ការស្រៀវធ្មេញ

បុព្វហេតុ

ជាធម្មតា អាការៈស្រៀវធ្មេញគឺបង្កឡើងដោយភ្លុកធ្មេញដែលបានប៉ះត្រូវត្រង់កន្លែងឬសធ្មេញ ដោយសារតែអញ្ចាញធ្មេញស្រុតចុះ ឬជំងឺរលាកជុំវិញអញ្ចាញធ្មេញ។ ភ្លុកធ្មេញមានរន្ធឬបំពង់ជាច្រើនដែលលាតសន្ធឹងពីខាងក្រៅធ្មេញចូលទៅកាន់សរសៃប្រសាទនៅចំកណ្តាល។ បើគ្មានការការពារកាចាធ្មេញទេ បំពង់ទាំងនេះអាចនឹងត្រូវភ្ញោចដោយការប្រែប្រួលនៅក្នុងសីតុណ្ហភាពឬចំណីអាហារជាក់លាក់មួយចំនួន។

តើអ្នកធ្លាប់មានអារម្មណ៍ដូចត្រូវឆក់អគ្គិសនីដែរឬទេ នៅពេលអ្នកបឺតតែទឹកកក ឬខាំដុំស្ករគ្រាប់?

ការព្យាបាល

ដង្កូវស៊ីធ្មេញ

ការជួសជុលកែលម្អ (ឬការប៉ះធ្មេញ) អាចនឹងត្រូវបានធ្វើឡើង។

ជំងឺអញ្ចាញធ្មេញ

ពេទ្យធ្មេញអាចអនុវត្តការសម្អាតកន្លែងនោះឲ្យបានស្អាត។

ភ្លុកធ្មេញដែលរងការប្រឈម

ការព្យាបាលតាមបែបជំនាញវិជ្ជាជីវៈ និងការព្យាបាលតាមផ្ទះមួយចំនួន អាចត្រូវបានប្រើប្រាស់ដើម្បីកាត់បន្ថយការស្រៀវធ្មេញ។

នីតិវិធីតាមផ្ទះ

ប្រើប្រាស់ច្រាសដុសធ្មេញដែលមានសរសៃច្រាសទន់ៗ

ប្រើប្រាស់ច្រាសដុសធ្មេញដែលមានសរសៃច្រាសទន់ ជាមួយនឹងថ្នាំដុសធ្មេញមានសារធាតុសម្អាតទាប

ដុសធ្មេញឲ្យបានត្រឹមត្រូវ

ដុសធ្មេញឲ្យបានត្រឹមត្រូវ និងមិនត្រូវដុសធ្មេញច្រើនពេកទេ

ជ្រើសរើសថ្នាំដុសធ្មេញរបស់អ្នកដោយប្រុងប្រយ័ត្ន

1. ប្រើប្រាស់ថ្នំាដុសធ្មេញដែលបង្កើតឡើងជាពិសេសដើម្បីដោះស្រាយបញ្ហាចុងប្រសាទនៅក្នុងធ្មេញ។
2. ប្រើប្រាស់ថ្នាំដុសធ្មេញជាតិផ្លអ័ររ៉ាយ (ណែនាំដោយពេទ្យធ្មេញរបស់អ្នក) ដើម្បីធ្វើឲ្យផ្ទៃធ្មេញខាងក្រៅមានភាពរឹងមាំ

នីតិវិធីនៅក្នុងមន្ទីរព្យាបាល

វែនីសផ្លអ័ររ៉ាយ

គេអាចលាបវាទៅលើផ្នែកដែលរងការប៉ះពាល់ ដែលធ្វើឲ្យកាចាធ្មេញនិងភ្លុកធ្មេញរឹងមាំ។

ហ្វូម ឬជែលផ្លអ័ររ៉ាយ

គេអាចដាក់សារធាតុទាំងពីរនេះទៅក្នុងថាសខាំពុម្ពធ្មេញក្នុងមាត់ និងដាក់ចូលទៅក្នុងមាត់ក្នុងរយៈពេល 3-5នាទី ដោយផ្តល់ឲ្យធ្មេញនូវជាតិផ្លអ័ររ៉ាយក្នុងកម្រិតបរិមាណខ្ពស់ ជួយឲ្យធ្មេញរឹងមាំ។

ភ្នាក់ងារប៉ះបិទធ្មេញ

សារធាតុដែលបានប្រើប្រាស់ដើម្បីប៉ះបិទពណ៌ធ្មេញឲ្យជាប់ទៅនឹងធ្មេញ អាចត្រូវបានប្រើប្រាស់ដើម្បីបិទផ្ទៃភ្លុកធ្មេញ និងផ្តល់នូវរបាំងការពារទប់ទល់នឹងសមាសធាតុពីខាងក្រៅដែលបង្កឲ្យមានការស្រៀវធ្មេញ។